कल्याण मध्ये घृणास्पद घटना पुढे आली आहे. येथे एका पुजाऱ्याने मंदिरात दर्शनासाठी आलेल्या महिलेचा विनयभंग केला आहे. याप्रकरणी पुजाऱ्यावर गुन्हा दाखल करण्यात आला आहे.
हायलाइट्स:
पुजाऱ्याकडून महिलेचा विनयभंग
पुजाऱ्यावर पोलिसांत गुन्हा दाखल
जळगावमधील संतापजनक घटना
पंजाबच्या कर्णधाराला चिडवणं हार्दिक पंड्याला महागात पडलं, व्हिडीओमध्ये पाहा नेमकं काय घडलं…
जळगाव: महिन्याभरापासून मंदिरात दर्शनासाठी येणाऱ्या विवाहितेचा पुजाऱ्याने विनयभंग केल्याची लाजीरवाणी घटना जळगावात घडली आहे. ही विवाहित महिला नेहमीप्रमाणे दर्शनासाठी मंदिरात गेली असताना पुजाऱ्याने तिचा विनयभंग केल्याची माहिती आहे. याप्रकरणी पुजाऱ्याविरोधात जळगाव शहर पोलीस ठाण्यात गुन्हा दाखल करण्यात आला आहे. राम बालकदास महाराज असे गुन्हा दाखल झालेल्या पुजाऱ्याचे नाव आहे.
हेही वाचा -मजुरीचे पैसे घरी देऊन गेला, दुसऱ्या दिवशी जलतरण तलावात मृतदेह आढळला
पीडीत महिलेने पोलिसात दिलेल्या तक्रारीनुसार असे की, जळगाव शहरातील विवाहित महिला ती राहत असलेल्या परिसरातील मंदिरात एक ते दोन दिवसाआड तिच्या जावेसोबत दर्शनाला, तसेच पुजेसाठी जात असते. यादरम्यान, महिनाभरापासून या मंदिरातील पुजारी राम बालकदास महाराज हा महिलेकडे वाईट नजरेने पाहत होता. याबाबत महिलेने तिच्या पतीजवळ तक्रार केली होती. सोमवारी विवाहित महिला तिच्या जावेसोबत नेहमीप्रमाणे मंदिरात पुजेसाठी गेली. यावेळी तिची जाऊ पुजा करुन मंदिराच्या बाहेर थांबली.
हेही वाचा – चहा घ्यायला जाताना धक्का लागला, परभणी जिल्हा कारागृहात कैद्यांमध्ये फ्रीस्टाईल हाणामारी
महिला मंदिरात एकटी असताना पुजारी राम बालकदास महाराज हा महिलेजवळ आला. त्याने तिला सिताराम म्हणण्यास सांगितले. महिला त्याकडे दुर्लक्ष करत बाहेर पडत असतांना पुजाऱ्याने महिलेचा हात धरला आणि तिचा विनयभंग केला. त्यानंतर महिला आरडाओरड करत मंदिराबाहेर पडली. तिने तिच्यासोबत घडलेली हकीकत मंदिराबाहेर उभ्या तिच्या जावेला, तसेच घरी आल्यावर पतीला सांगितली. मंगळवारी पुजारी राम बालकदास महाराज यांच्या विरोधात शहर पोलिसात तक्रार करण्यात आली आहे. त्यावरून पुजाऱ्याविरोधात गुन्हा दाखल करण्यात आला आहे.
