कल्याण-घरात पार्टी सुरु होती. पार्टी दरम्यान गुन्हेगाराची ओळख करताना पोलिस कर्मचा:याने इतके सांगितले याला ओळखतो मी, तीन वेळा याला उचलायला याच्या घरी गेलो आहे. हे ऐकताच गुन्हेगारने पोलिसावर चाकूने सपासप वार केल्याची धक्कादायक घटना कल्याणमध्ये घडली आहे. दीपक देशमुख असे या पोलिस कर्मचा:याचे नाव असून त्याच्यावर खाजगी रुग्णालयात उपचार सुरु आहे. मध्यस्थी करण्यासाठी गेलेल्या एक महिला सुद्धा या हल्ल्यात जखमी झाली आहे.
कल्याण पश्चिमेतील साई श्री हरी सोसायटीत राहणारे देवेंद्र शास्त्री आणि कल्याणमध्ये कार्यरत पोलिस कर्मचारी दीपक देशमुख यांच्यात मैत्री आहे. काल रात्री शास्त्री यांच्या घरी एक छोटेखानी पार्टी होती. देवेंद्र यांनी दीपक हे पार्टी करीत असताना देवेंद्र यांचा मित्र राजेश काळे त्यांच्या घरी आला. या दरम्यान देवेंद्र यांनी राजेश काळेची ओळख पोलिस देशमुख याच्याशी करुन दिली.
